Jose Experanza Cruz
Halaga ng isang bagay ay hindi nasusukat
Sa taglay niyang anyong sa tingin ay hamak
Namamasyal noon ang hari sa hardin
Upang bigyang- laya ang diwa’t panimdim
Walang anu- ano’y natawag ang pansin
Ng batong maliit na hamak sa tingin.
Bato’y tinitigan at tinisud-tisod
At saka tinanong ang kanya ring loob;
Ano kaya itong himala ng Diyos?
Bakit pati rito sa mundo’y sumipot?
Bato ay maliit at hamak na hamak
Siya ay dakila at hari niya nakuro’t natatap
Na ang hari’t bato’y pantay rin ang sukat.
Kung saan- saan na naglakbay sa isip
Ng haring nawili sa pagkakatitig
Sa waka, nakurong ang taglay na guhit
Ng kanilang palad ay nakakawangis.
Gihis pa nga siya kung tutuusin
Ng hamak na batong maliit sa tingin;
Siya’y maglalayag na patungong libing
Bato’y matitirang bato rin sa hardin…
Posts
